Nakatanggap ang mga eligible corn farmers mula sa Cagayan ng kanilang Fuel Discount Vouchers mula sa Department of Agriculture (DA) nitong ika-27 ng Setyembre taong kasalukuyan sa Acusillan, Tuao East, Cagayan.
Sa 615 na magsasaka, nasa 341 ay mula sa Tuao, 97 sa Piat, 96 sa Sto Nino, at 81 naman mula sa bayan ng Rizal ang nakatanggap ng kani-kanilang fuel subsidy cards.
Lubos naman ang naging pasasalamat ng mga Lokal na Pamahalaan ng mga nabanggit na bayan sa tulong na ito para sa mga magsasaka. Anila, talagang may malasakit ang ahensya sa mga magsasaka.
Samantala, sinabi naman ni Regional Executive Director Narciso A. Edillo, Regional Technical Director (RTD) for Operations and Extensions sa kanyang mensahe na masaya ang buong kagawaran na maibahagi ang mga Fuel Discount Voucher sa mga magsasaka.
Source: Department of Agriculture Region II
