Itinanghal bilang 1st Runner-Up ang isang Cordilleran sa katatapos lamang na Mister and Miss Cultural Global 2023 Grand Final Night na ginanap sa Jakarta, Indonesia nito lamang Hunyo 2, 2023.
Siya ay si Jeremiah Bugtong mula sa Kabayan, Benguet kung saan nakuha rin niya ang Mr. Popularity Award sa naturang pageant.
Si Bugtong ang kinatawan ng Northern Philippines sa nasabing pageantry kasama niya si Jamie Guinsiman na mula rin sa Kabayan, Benguet na kapwa naging Mr. Benguet-Nature at Ms. Benguet-Youth noong Nobyembre 2022.
Samantala, si Guinsiman naman ay nakakuha ng dalawang major awards: ang Best in Evening Gown at Best in National Costume.
Lubos na pasasalamat naman ang naging pahayag nina Bugtong at Guinsiman sa lahat ng nagpakita at nagbigay ng suporta sa kanila.
