Naghatid ang Cordillera Vanguards ng pag-asa at pagmamalasakit sa mga Canggat Brothers sa Payeo, Besao, Sagada, Mt. Province nito lamang ika-4 ng Disyembre, 2024.
Batay sa ulat, ang mga miyembro ng Fraternal Order of Eagles – Cordillera Vanguards, na naglakbay mula sa malalayong lugar kasama ang mga tauhan ng Besao Municipal Police Station ay hindi nag-atubiling dumating at personal na naghatid ng tulong sa tahanan ng mga magkakapatid.
Nakatanggap ng dalawang kaban ng bigas, mga kahon ng mga grocery, upang magkakaroon ng pagkain sa loob ng isang buwan at isang burner.
Labis ang tuwa at pasasalamat ng mga benipisyaryo, dahil hindi lamang dahil sa kaginhawaan ng kanilang agarang pangangailangan na matugunan, kundi dahil sa labis na damdamin ng pagmamahal at pag-aalaga na kanilang naramdaman sa mga sandaling iyon.
