Nilagdaan ng Police Regional Office Cordillera (PROCOR) at Saint Louis University (SLU) ang Memorandum of Agreement (MOA) sa Masigasig Grandstand, Camp Major Bado Dangwa, La Trinidad, Benguet nito lamang Lunes, Mayo 16, 2022.
Ayon kay Police Brigadier General Ronald Lee, PROCOR Regional Director, napapaloob sa kanilang pinirmahang MOA ni Rev. Fr. Gilbert B Sales, CICM, Ph.D., Presidente ng SLU ang mas higit na pagpapahusay sa kasanayan sa komunikasyon ng mga tauhan ng PROCOR personnel sa tulong ng nasabing institusyon sa pamamagitan ng ilang language skill-based training na inilaan para sa iba’t ibang opisina at yunit ng PROCOR.
Dagdag pa ni PBGen Lee, kasama rin na lumagda sa MOA bilang mga saksi sina Police Brigadier General John Chua, PROCOR Deputy Regional Director for Administration at Rev. Fr. Macwayne N Maniwang, Vice President ng SLU.
Bukod pa rito, dumalo rin sa ceremonial signing ang mga tauhan ng SLU School of Teacher Education and Liberal Arts at ang PROCOR Command Group at Regional Staff.
Layunin ng aktibidad na ito na pagtibayin ang ugnayan ng Cordillera PNP at mga pribadong institusyon.
Source: https://m.facebook.com/story.php?story_fbid=334814248769569&id=100067229887274
