Nagkaisa ang iba’t ibang ahensya ng pamahalaan sa isinagawang Clean-up Drive sa Barangay Esyeves, Casiguran, Aurora nito lamang Huwebes, ika-26 ng Oktubre 2023.
Kalahok sa aktibidad ang mga tauhan ng Municipal Environment and Natural Resources Office, Bureau of Fire Protection, Philippine Coast Guard, Philippine National Police, PNP Lingkod Bayan Advocacy Support Group and Force Multipliers at mga opisyal ng naturang barangay.
Tulong-tulong sila sa paglilinis ng lugar kung saan pinulot ang mga plastik na maaaring magdulot ng polusyon sa kapaligiran.
Ang aktibidad ay naglalayong mapanatili ang kalinisan ng kapaligiran at mapangalagaan ang kalikasan.
