Nagsagawa ng Clean-up Drive ang Pamahalaang Lungsod ng Tarlac sa mga pampublikong lugar ng naturang lungsod nito lamang Sabado, ika-10 ng Disyembre 2022.
Ang naturang aktibidad ay pinangunahan ng mga tauhan ng City Environment and Natural Resources sa ilalim ng pamumuno ni Mayor Cristy Angeles.
Tinanggal ang mga nakatambak at nakakalat na mga basura sa gilid ng kalsada.
Ito rin ay kaugnay sa adbokasiya ng lungsod na “Tarlac City, Clean City”.
Sinisiguro ng Pamahalaang Lungsod ng Tarlac na patuloy ang paghahatid ng serbisyo upang matiyak ang seguridad at kaligtasan ng mga mamamayan sa kanilang nasasakupan.
