Sumailalim ang mga kawani ng City Social Welfare and Development Office ng Alaminos, Pangasinan sa First Aid Training and Basic Life Support noong Hulyo 1, 2022.
Inisyatibo ito ng Pamahalaang Lungsod ng Alaminos sa pamumuno ni Mayor Arth Bryan C. Celeste sa pamamagitan ng City Social Welfare and Development Office (CSWD) sa pangunguna ni Elizabeth A. Radoc.
Suportado din ng Philippine Red Cross Alaminos City-Western Pangasinan Chapter (PRC-ACWPC) ang aktibidad sa tulong nina PRC-ACWPC Instructors, CD Rivera at Jion Carlo Lopez.
Layunin nito na lalo pang madagdagan ang kaalaman at kasanayan ng mga kawani tungkol sa tamang pagresponde at upang maging handa at ligtas sa anumang darating na uri ng sakit o sakuna lalo na sa panahon ng pandemya.
Source: LGU- Alaminos City, Pangasinan
