Pormal nang simimulan ang Cordillera Administrative Region Athletic Association (CARAA) Meet sa La Trinidad, Benguet nito lamang Pebrero 23-28, 2025.
Sinimulan ang paligsahan sa pamamagitan ng isang makulay na parada na dinaluhan ng mga delegado mula sa dalawang lungsod at anim na lalawigan ng rehiyon.
Sa pangangasiwa ng Department of Education (DepEd), magpapakitang-gilas ang pinakamahuhusay na batang atleta mula sa iba’t ibang bahagi ng Cordillera sa iba’t ibang larangan ng palakasan, dala ang diwa ng pagkakaisa at sportsmanship.
Naging makulay at puno ng sigla ang pagbubukas ng palaro, na nagsilbing hudyat ng isang linggong kompetisyon at pagkakaibigan sa pagitan ng mga atleta mula sa buong rehiyon.
