Dalawa sugatan matapos ang banggaan ng isang bus at truck sa Sitio Cotcot, Brgy. Bangao, Buguias, Benguet nito lamang Abril 17, 2023.
Batay sa ulat ng Buguias PNP, isang Trans Bus na patungong Baguio City ang napunta sa kabilang linya na naging sanhi ng pagkabangga nito sa paparating na elf truck.
Sugatan ang driver ng elf truck at isang pasahero ng trans bus na agad namang naidala ng mga rumespondeng tauhan ng Buguias PNP at Buguias MDRRMO sa Lutherna Hospital, Buguias, Benguet para sa atensyong medikal.
Pinapaalala naman ng mga awtoridad at lokal na pamahalaan ng Benguet na maging responsable at mag-ingat sa pagmamaneho upang makaiwas sa mga posibleng aksidente.
