Naiuwi ng Barangay Nassiping ang kampeonato sa kauna-unahang Dragon Boat Cup ng Lokal na Pamahalaan ng Gattaran na ginanap sa Ilog Cagayan, noong Mayo 19, 2024 kasabay ng kanilang 401st Founding Anniversary.
Nanguna sa naturang aktibidad si Mayor Engr. Samuel Siddayao at mga opisyal ng nasabing bayan.
Ayon kay Michelle Dela Cruz, Tourism Officer ng Gattaran, sinalihan ng 25 barangay na kabilang sa mga “flood prone barangay” ang naturang paligsahan.
Nabatid na ang mga ginamit na bangka ng mga kalahok ay mula sa Municipal Disaster Risk Reduction and Management Office (MDRRMO)-Gattaran.
Sinabi ni Dela Cruz na naging prayoridad sa paligsahan ang mga barangay na madalas bahain dahil aniya, ang pangunahing layunin nito ay maging handa at magkaroon ng pagsasanay sa panahon ng kalamidad.
Source: CPIO
