Tinupok ng apoy ang Barangay Hall ng Brgy. Fugu, Tuao, Cagayan nitong Miyerkules, Nobyembre 16, 2022.
Ayon kay Fire Officer 3 Emmanuel Tamayao ng Bureau of Fire Protection sa nasabing bayan, nagsimula ang sunog bandang 4:44 ng hapon sa hindi pa malamang dahilan.
Agad rumesponde ang mga bumbero upang maapula ang apoy at nagdeklara sila ng fire out bandang 5:20 ng hapon.
Dagdag pa ni FO3 Tamayao, wala naman naitalang nasaktan sa naganap na sunog ngunit hindi na naisalba ang mga dokumento at mga gamit sa nasabing barangay hall.
Kasalukuyan ng inaalam ngayon ng BFP ang naging sanhi ng naganap na trahedya at kung magkano ang halaga ng mga napinsala dito.
Source: Cagayan Provincial Information Office
