Natagpuan ang bangkay ng isang babae sa maisan sa Apayao River, Centro Musimut, Kabugao, Apayao nito lamang Agosto 4, 2023.
Batay sa ulat, natagpuan ang bangkay bandang 1:00 ng mdaling araw ni Ms. Hazed Pudoc Tagguid, may asawa, residente sa nasabing lugar. Habang siya ay nangongolekta ng mga kahoy na panggatong ay may masangsang na amoy at tumambad ang pinaghihinalaang bangkay na natabunan ng buhangin.
Kaagad naman itong sinabi sa kanyang ama na si Magsaysay Tagguid at dali-dali itong hinukay kasama ang iba pang nangongolekta ng kahoy na panggatong at mga awtoridad.
Nakasuot ang biktima ng bra, may tangkad na humigit-kumulang 5 feet at may mahabang buhok.
Agad naman itong pinagbigay alam sa Musimut Brgy. Officials at Kabugao PNP at patuloy ang isinagawang masusing imbestigasyon at koordinasyon sa Calanasan PNP para sa posibleng kaugnayan nito sa mga nawawalang biktima sa naganap na landslide.
