Narekober ang isang bangkay ng isang lalaki na naitalang nawawala dulot ng landslide sa Sitio Mogao, Gambang, Bakun, Benguet nito lamang ika-30 ng Agosto 2023.
Batay sa ulat, nagpunta ang anak ng biktima sa Bakun Municipal Police Station dahil mula Agusto 26, 2023 ay hindi na nakauwe ang kanyang ama galing sa trabaho kaya pinuntahan niya sa kanyang pinagtatrabahuhan at tumambad ang gamit ng pangtrabaho ng kanyang ama na natabunan sa naganap na landslide.
Nakipag-ugnayan kaagad ang Bakun PNP sa Bakun MDRRMC para sa pagsasagawa ng search and retrieval operation at narekober ang biktima bandang 3:30 ng hapon sa naturang lugar.
