Mountain Province – Suot-suot ang indigenous attires nang nakayapak ay masayang naglaro ang mga lokal na opisyal ng Tadian, Mountain Province sa isinagawang “Bahagketball” na ginanap sa Central School Grounds, Tadian, Mountain Province nito lamang ika-4 ng Marso 2023.
Ang bahagketball ay isa sa naging tampok sa pagdiriwang ng Ayyoweng di Lambak ed Tadian Festival na may temang “Ilambakan Agyod ay Kaugalian: Baked ya Pegnad di kasin tako Bumikasan” na nag-umpisa noong ika-3 ng Marso taong kasalukuyan.
Ang nasabing laro ay pinangunahan ni Mayor Constito S. Masweng ng Tadian, Mountain Province kasama ang iba pang local officials.
Dagdag pa dito ay ang volleyball exhibition game naman ng mga kababaihan kung saan sila naman ay nakasuot ng “lamma” at “tapis,” at combative sports.
Tampok din sa pagdiriwang ang iba pang mga aktibidad gaya ng Street Dancing at Cultural Presentation, Sports Competition, Salibongbong at ang Giwaday.
