Tuloy-tuloy pa rin ang pag-arangkada ng PNP Adopt a Family Program hatid ng 2nd Ilocos Norte Provincial Mobile Force Company sa Marcos, Ilocos Norte nitong Hulyo 12, 2022.
Namigay ng bagong laptop ang 2nd Ilocos Norte PMFC sa pangunguna ni Police Major Jayson R Batuyong, Acting Force Commander kay Alden na bunsong anak ni Mrs. Jackielyn Libungan, dating miyembro ng Communist Terrorist Group mula sa Brgy. Cacafean, Marcos, Ilocos Norte.
Bukod dito, namigay din ng karagdagang grocery items para sa pamilya.
Ang nasabing aktibidad ay kaugnay ng pagdiriwang ng ika-27th Police Community Relations Month at PNP Core Values na “Makatao”.
Labis naman ang ngiti, saya at pasasalamat ng pamilya sa kanilang mga natanggap at serbisyong may malasakit at pagmamahal na kanilang naramdaman sa hanay ng PNP.
