Nakumpiska ng Aguinaldo PNP at Department of Environment and Natural Resources (DENR) ang assorted sawn lumbers sa Sitio Buggallo, Barangay Awayan, Alfonso Lista, Ifugao nito lamang ika-13 ng Abril 2023.
Tumambad sa mga awtoridad ang humigit kumulang 536.67 board feet na may kabuuang halaga na Php24,150 sa kanilang isinagawang illegal logging operation sa nasabing lugar.
Patuloy naman ang panawagan ng DENR at PNP na maging mapagmatyag ang mga mamamayan at ipagbigay alam sa mga awtoridad ang mga kahina-hinala at ilegal na gawain pati na rin ang mga sangkot sa pagpuputol ng mga punong-kahoy.
