Narekober ng mga otoridad ang armas pandigma ng New People’s Army (NPA) na nakatago sa Sitio Ihit, Namal, Asipulo, Ifugao nito lamang umaga ng Hulyo 8, 2023.
Ayon sa Asipulo PNP, nakatanggap ng isang tawag mula sa isang concerned citizen hinggil sa nakatagong armas at ibinigay ang naturang lokasyon.
Narekober sa naturang operasyon ang isang US Rifle Cal .30 M1 Garand na may markang Springfield Armory at may Serial no. 2850514, isang magazine clip, anim na live ammunition, isang Samsung portable disc player, 21 Sonny CD-R at isang Subversive Document na pinamagatang “Ti Parabur a mananggudwa”.
Hinikayat naman ng mga awtoridad na e-report sa kanilang tanggapan ang anumang kahina-hinalang mga tao o aktibidad upang mapigilan ang anumang banta ng terorismo o inhursensiya sa ating pamayanan.
