Mahigpit na ipinapatupad ng City Environment and Natural Resources Office (CENRO) ang Anti-Smoking sa Barangay Pampang Public Market, Angeles City nito lamang Martes, ika-27 ng Hunyo 2023.
Ito ay sa ilalim ng pamumuno ni Hon. Carmelo Lazatin Jr., Mayor ng Angeles City katuwang ang mga tauhan ng CENRO Angeles City sa pagpapatupad ng nasabing ordinansa.
Nahuli ng mga awtoridad ang mga pasaway na naninigarilyo sa nasabing pampublikong palengke at binigyan ang bawat lumabag ng citation tickets at magbabayad ng multa sa City Treasurer’s Office.
Kaugnay ito sa City Ordinance 431 Chapter 10 o The Smoke-Free Environment in Public and Enclosed Places.
Paalala ng Lokal na Pamahalaan ng Angeles City na sumunod sa mga ipinatutupad na ordinansa para sa ikakabuti ng bawat mamamayan ng Angeleños.
