Pinangunahan ng tatlong Agripreneurs mula Cagayan Valley ang katatapos lamang na National level Competition ng Department of Agriculture’s Young Farmers Challenge (YFC) Program na naganap sa Sola Hotel, Laoag City, Ilocos Norte nitong Disyembre 15, 2022.
Kinilala ng DA Cagayan Valley ang mga National Awardees na sina Daniel O. Labaddan, Foster F. Talwag, at William John D. Tabdol na pawang mula sa Aritao, Nueva Vizcaya.
Pinangunahan ng mga young farmers na ito ang Digital Agriculture Category at nakatanggap ng Certificate, Plaque, at Php300,000 cash prize.
Ang Young Farmers Challenge Program ng DA Agribusiness and Marketing Assistance Service (DA-AMAS) ay nagsimula noong 2021 na naglalayong hikayatin ang mga young farmers na mag-isip ng mga agri-fishery innovations na posibleng maging pangunahing pangkabuhayan ng mga magsasaka.
Source: Department of Agriculture Cagayan Valley
