Namahagi ng mga bags at payong sa mga mag-aaral ng Maawi Elementary School ang City of Hundred Islands Employees Multi-Purpose Cooperative (CHIEMPCO) bilang bahagi ng Adopt-A-School Activity sa Alaminos, Pangasinan nito lamang Hulyo 23, 2024.
Ang aktibidad ay bahagi ng ika-25th anibersaryo sa pagkakatatag ng naturang kooperatiba ng mga kawani sa Lungsod ng Alaminos at ang bawat miyembro ng kooperatiba ay nakatanggap naman ng cash gifts at mugs.
Pinangunahan ng Chairman of Board of Directors at City Budget Officer Rowena F. Ruiz at Vice Chairman Engr. Wilson Camba ang naturang pagdiriwang bilang taunang community project ng CHIEMPCO, na isa sa pinakamatatag at aktibong education stakeholders sa lungsod ng Alaminos.
