Nagbigay kaalaman ang Pamahalaang Panlalawigan ng Tarlac patungkol sa responsableng pagdadalaga at pagbibinata para sa mga mag-aaral ng Sta. Lucia National High School sa Capas, Tarlac nito lamang Miyerkules, ika-22 ng Nobyembre 2023.
Matagumpay ang aktibidad sa pamumuno ni Hon. Susan A. Yap, Provincial Governor at sa suporta ng Population Commission.
Nagbahagi ng kaalaman sa mga mag-aaral gaya ng maling naidudulot ng pre-marital sex sa kalusugan at estado ng pamumuhay ng mga kabataan.
Ito ay bilang tugon sa pagtaas ng bilang ng teenage pregnancy sa naturang lalawigan.
Sinisiguro ng Pamahalaang Panlalawigan ng Tarlac na patuloy na magsasagawa ng aktibidad upang mapabuti ang kinabukasan ng mga kabataan sa kanilang nasasakupan.
