Inilunsad ang Abel RIPO (Runruno Indigenous Peoples Organization) Exhibit sa People’s Museum and Library sa Bayombong, Nueva Vizcaya noong Mayo 9, 2022.
Tampok sa nasabing exhibit ang mga produkto ng mga maghahabi ng Barangay Runruno, Quezon, Nueva Vizcaya na cultural attires, accessories, at mga tela.
Layunin nitong ipakilala at ipagmalaki ang mga produkto, kultura at abilidad ng mga IP Loom weavers at matulungang maibenta para may pantustos sa kanilang pang-araw-araw na pangangailangan.
Dinaluhan ang paglulunsad ng programa ng mga miyembro ng RIPO, mga opisyales ng Brgy. Runruno at Lokal na Pamahalaan ng Quezon, Department of Trade and Industry, at FCF Mineral’s Corporation.
Magtatagal ang exhibit hanggang May 31, 2022.
Source: PIA Nueva Vizcaya
