Narekober ng mga awtoridad ang mga abandonadong sawn lumbers sa Brgy. Amlao, Tabuk City, Kalinga nito lamang Linggo, Disyembre 11, 2022.
Batay sa report, nagsagawa ng preventive patrol ang mga tauhan ng 1st Kalinga PNP sa naturang barangay nang tumambad ang mga inabandonang sawn lumbers malapit sa kalsada.
Narekober ang 14 na piraso ng paltik ng kahoy sa iba’t ibang dimensyon na may kabuuang sukat na 210.34 board feet na may tinatayang halaga na Php11,586.
Samantala, ang mga nadiskubreng illegally sawn lumber ay itinurn-over sa City Environment and Natural Resources Office-Tabuk.
