Isinagawa ang 3rd Quarter Cordillera Regional Disaster Risk Reduction and Management Council (RDRRMC) Response and Early Recovery Pillar Meeting sa City Travel Hotel, Baguio City nito lamang Oktubre 10, 2023.
Pinangasiwaan ang pagpupulong ni Department of Social Welfare and Development (DSWD)-CAR, Regional Director Leo L. Quintalla at nakatalaga bilang Cordillera RDRRMC Vice Chairperson for Disaster Response and Early Recovery at dinaluhan ni Chief IORC, Police Major Willy Dumansi mula sa PRO Cordillera RCADD.
Tampok sa pagpupulong ang pagsasaayos ng sistema sa pamamahagi ng Food and Non-Food Items (FNIs) sa buong rehiyon ng Cordillera para maiwasan ang duplikasyon, makaisa ang mga LGUs sa pangangasiwa ng distribusyon ng FNIs. Gayundin, nagpagkasunduan sa nasabing pagpupulong ang pagbuo ng interim policy on FNIs.
Dagdag din sa napag-usapan sa pagpupulong ang kahandaan sa mga posibleng epekto ng El Niño at para sa mga posibleng insidente o mga pagdiriwang sa buong rehiyon.
Layunin ng pagpupulong ang magkaroon ng maayos na sistema ukol sa FNIs at ibang pang hakabangin para sa mabilis na paghahatid ng tulong sa mga mamamayan ng Cordillera sa mga panahong kinakailangan.
