Iniimbitahan ang lahat ng magsasaka, mga nag-aalaga ng baboy, mga beterinaryo, at mga residente upang dumalo sa isang African Swine Fever (ASF) Awareness Seminar na gaganapin ngayong Biyernes, Nobyembre 8, 2024, mula 1:00 PM hanggang 3:00 PM sa Municipal Covered Court, Narvacan, Ilocos Sur.
Layunin ng aktibidad na magbigay ng tamang impormasyon hinggil sa sanhi, sintomas, at epekto ng ASF sa mga baboy. Mahalaga ito upang mapataas ang kamalayan ng mga magsasaka at iba pang mga stakeholders sa mga panganib na dulot ng sakit at kung paano ito maiiwasan.
Ito ay magsisilbing ring isang plataporma para sa mga magsasaka, lokal na pamahalaan, at mga ahensya ng gobyerno na magtulungan at magbahagi ng mga impormasyon.
Ang tamang koordinasyon ay makakatulong sa mas mabilis na pagresponde sa mga insidente ng ASF at mas epektibong pagsasagawa ng mga hakbang na kinakailangan.
Mahalagang hakbang ito upang mapalakas ang sektor ng agrikultura laban sa banta ng ASF at mga katulad na sakit, at upang matulungan ang mga magsasaka at industriya na magpatuloy nang ligtas at produktibo. Inaanyayahan ang lahat na makibahagi at matutunan ang mga estratehiya sa pag-iwas sa ASF, mga hakbang sa Biosecurity, at ang mga pinakabagong impormasyon kung paano makokontrol ang pagkalat ng naturang sakit.
Source: Municipal Government of Narvacan, Ilocos Sur
