Idinaos at binigyan nang Heroes Welcome si Hergie Tao-ag Bacyadan sa Kalinga Sports Center, Tabuk City, Kalinga nito lamang ika-09 ng Setyembre, 2024.
Si Hergie T. Bacyadan, 29 taong gulang, ay isang ipinagmamalaking miyembro ng subtribo ng Taloctoc ng Tanudan.
Siya ang naging unang Kalinga at Pilipino na lumahok sa 75-kilogram Division ng Olympic Women’s Boxing sa 2024 Summer Olympics sa Paris, France.
Ang parada para kay Bacyadan ay nagsimula sa rotunda patungo sa rotary at nagpatuloy sa Kalinga Sports Center, kung saan siya ay pormal na ginawaran ng isang plake ng espesyal na pagkilala mula sa pamahalaang panlalawigan, isang insentibong P500,000, at isang naka-frame na kopya ng Sangguniang Panlalawigan Resolution No. 2024-222, na kumikilala sa kanya sa pagdadala ng karangalan at pagmamalaki sa lalawigan.
“Ang tiwala at suporta ng aking tribo ay malaking tulong para sa akin at sa aking mga kasamahan dahil binibigyan nila kami ng mga dasal at tiwala.
Ipinagmamalaki kong dalhin ang pamana at hindi lamang ang aking watawat kundi pati na rin ang buong katutubong kultura ng Kalinga.”, sabi ni Bacyadan.
Ang tagumpay ni Hergie Tao-ag Bacyadan ay hindi lamang isang personal na tagumpay kundi isang simbolo ng determinasyon at pagkakaisa ng buong komunidad ng Kalinga.
Sa bawat suntok at hakbang na ginawa niya sa ring, dala niya ang mga pangarap at pag-asa ng kanyang tribo, na ngayon ay mas kilala at pinahahalagahan sa buong mundo.
Ang kanyang kwento ay nagpapaalala sa atin na ang tunay na lakas ay nagmumula sa ating mga ugat at kultura, at sa pamamagitan ng pagkakaisa at pagsusumikap, maaari nating maabot ang pinakamataas na antas ng tagumpay.
