Natupok ng apoy ang isang convenience store ng 7-11 sa Gamboa Building, Session Road, Baguio City bandang 1:46 ng hapon noong ika-24 ng Hulyo 2023.
Ayon kay Prinsesa Sarah C. Sotelo, 7-Eleven Manager, napansin niya ang makapal na usok na lumalabas sa hagdanan ng establisyimento na nagtulak sa kanya at iba pang mga service crew na lumabas ng gusali.
Agad namang rumesponde ang mga tauhan ng Baguio City Police Office Station 7 kasama ang mga tauhan ng Bureau of Fire and Protection (BFP) Baguio.
Idineklarang fire out bandang 2:33 PM ni City Fire Marshal FSupt Mirasol H. Odiver.
Samantala, walang naitalang nasugatan sa insidente at kasalukuyang nagsasagawa ng malalim na imbestigasyon ang BFP Baguio upang matukoy ang sanhi ng sunog at malaman ang halaga ng pinsala sa nasabing sunog.
