Masaya at mapayapang ipinagdiwang ang ika-59th Founding Anniversary ng Sabangan Municipality sa Poblacion Open Gymnasium, Sabangan, Mountain Province noong Hunyo 25, 2022.
Ito ay may temang “Happy Sabangan: Preserving cultural heritage, boosting tourism and strengthening our local industries.”
Nagsimula ang aktibidad sa isang civic parade mula sa kahabaan ng Kaaligan pababa sa plaza ng Poblacion.
Sinundan ito ng pagtanghal sa iba’t ibang kultural na sayaw at awit ng mga performers mula sa iba’t ibang barangay na naka-cluster bawat lugar.
Sa kanyang mensahe, hinimok ni Hon. Marcial C. Lawilao Jr., Municipal Mayor, ang kanyang nasasakupan na ipagpatuloy ang kanilang kooperasyon, pagkakaisa at suporta tungo sa pagpapabuti at pagpapaunlad ng industriya ng turismo ng Sabangan.
Samantala, mahigpit namang nagpatupad ang PNP ng seguridad at maayos na daloy ng trapiko upang mapanatili ang kapayapaan at kaayusan habang ginaganap ang mga aktibidad.
