Isinagawa ang limang araw na Basic Computer Troubleshooting and Repair Training na dinaos sa OPAG Satellite Office na nagsimula nitong ika-13 ng Mayo 2024.
Ang proyektong ito ay isang inisyatibo ni Board Member Apolonia DG Bacay, katuwang ang Department of Information and Communications Technology (DICT) at Technical Education and Skills Development Authority (TESDA).
Layunin ng proyekto na magbigay ng mahahalagang kaalaman at kasanayan sa mga Alaminian, partikular sa mga residente ng Distrito Uno at naglalayong palawakin ang mga oportunidad sa larangan ng teknolohiya at serbisyo sa Alaminos City.
Nagbibigay din ito ng mga praktikal na kasanayan at nagbubukas din ng mga pintuan para sa mga oportunidad sa trabaho at negosyo. Ito ay naaayon din sa layunin ni PBBM na palakasin ang kakayahan ng mga mamamayan para mapalakas ang ekonomiya ng lungsod at ang kabuuang kaunlaran ng komunidad.
