Nagkarambola ang apat na sasakyan at isang motorsiklo sa kahabaan ng San Carlos Heights, Baguio City nito lamang Martes, ika-4 ng Hulyo 2023.
Batay sa ulat, ang pampasaherong jeep na may sakay na 20 na tao ay nawalan ng preno dahilan upang mabunggo nito ang tatlo pang sasakyan at isang motorsiklo sa kanyang harapan.
Samantala, walang naitalang malubhang nasugatan sa naturang aksidente ngunit nagdulot ito ng masikip na daloy ng trapiko.
Kaagad namang rumesponde ang Baguio PNP upang maresolba ang trapiko at medical team sakay ng ambulansya para sa agarang medikal na atensyon.
