Tatlong indibidwal ang sugatan matapos maganap ang isang vehicular accident sa Leopart Wood Road, Teacher’s Camp, Baguio City nito lamang ika-23 ng Agusto 2023.
Batay sa ulat ng Pacdal Police Station 3, habang paakyat sa daan ang isang ten wheeler truck na kargado ng manok ay bigla nalang itong umatras na nagresulta ng pagkakabangga sa Toyota Innova Taxi, Toyota Altis, Toyota Innova at L300FB Van.
Agad naman rumesponde ang Pacdal PNP at medical team upang makuha ang mga driver na naipit at dinala agad ito sa Baguio General Hospital para sa atensyong medikal.
Paalala naman ng mga awtoridad na laging mag-ingat sa pagmamaneho at huwag kalimutang i-check ang preno at makina ng inyong sasakyan bago bumyahe.
