Boluntaryong sumuko ang tatlong miyembro ng Communist Terrorist Group (CTG) sa Kalinga PNP sa Camp Captain Juan M Duyan, Bulanao, Tabuk City, Kalinga nito lamang Huwebes, Disyembre 15, 2022.
Kinilala ang mga sumuko na sina alyas “Landing” at alyas “Joker/Diwa”, pawang dating miyembro ng CTG at Militia ng Bayan (MB)/NPA sa Barrio sa ilalim ng Lejo Cawilan Command, Kilusang Larangang Guerilla (KLG)-Baggas at si alyas “Omar/Dante”, na nakalista sa Periodic Status Report on Threat Groups (PSRTG) ng Komiteng Distrito 1 at Order of Battle (OB).
Kasabay ng pagsuko ng tatlong rebelde ay ang pagturn-over ng kanilang mga armas kabilang ang isang homemade shotgun long barrel na may isang gauge, 12 ammunitions, isang caliber 22 magnum, Smith & Wesson na may apat na bala, at isang unit cal. 30 U.S carbine na may isang magazine at dalawang bala.
Samantala, sumuko ang tatlong dating miyembro ng CTG sa kadahilanang gustong makasama ang kanilang pamilya at maging isang mamamayan na walang ibang hangad kundi ang kapayapaan sa ating inang bayan.
