Boluntaryong binawi ang suporta ng 23 taga suporta ng komunistang grupo at nagbalik-loob sa pamahalaan sa Barangay Calabasa, Gabaldon, Nueva Ecija nito lamang Miyerkules, ika-17 ng Mayo 2023.
Ito ay naging posible sa pangunguna ni Police Colonel Richard Caballero, Provincial Director ng Nueva Ecija Police Provincial Office.
Ayon sa ulat ng Nueva Ecija PNP, boluntaryong sumuko ang 20 miyembro ng Liga ng Manggagawang Magbubukid at tatlong miyembro ng Alyansa ng Mamamayang Nagkakaisa.
Lumagda ang mga nasabing tagasuporta ng Oath of Allegiance na nagpapatunay sa pagtalikod sa makakaliwang grupo.
Samantala, patuloy ang panawagan ng gobyerno sa mga natitira pang miyembro ng makakaliwang grupo na bumalik na sa piling ng pamahalaan upang makamtan ang tunay na katahimikan.
