Nagtapos ang 22 benepisyaryo ng programang Pantawid Pamilyang Pilipino Program (4Ps) sa Santa Maria, Ilocos Sur nitong Huwebes, Hunyo 16, 2022.
Buong galak na tinanggap ng mga nagsipagtapos ang kanilang certificate of recognition na iginawad ng mga dumalong 4Ps Municipal Operations Office sa kanila mismong mga bahay.
Ayon pa sa 4Ps Municipal Operations Office, inilatag ng Lokal na Pamahalaan ang mga programa at serbisyong aalalay bilang pagsuporta sa mga nagtapos na benepisyaryo para sa patuloy na pag-unlad ng kanilang pamumuhay.
Dagdag pa ng 4Ps Municipal Operations Office, ito na ang pangalawang bugso ng 4Ps Graduation Ceremony na ginanap sa Santa Maria, Ilocos Sur.
Isinagawa ang naturang aktibidad upang bangunin ang ating mga kapwa Pilipino upang magkaroon sila ng bagong pag-asa at bagong kaginhawaan sa buhay.
Bukod pa rito, layunin din ng aktibidad na mapalakas ang ugnayan ng mamamayan at nang ating gobyerno tungo sa maayos at tahimik na pamayanan.
