Isinagawa ang 2023 Cordillera Administrative Region Athletic Association (CARAA) Meet at Regional Academic Festival (RAF) Parade sa Baguio City, nito lamang ika-29 ng Abril 2023.
Ang aktibidad ay dinaluhan ng mga local officials ng iba’t ibang syudad at probinsya ng Cordillera, Local Government ng Baguio City, Department of Education heads and personnels at mga atleta mula sa iba’t ibang paaralan.
Ang mga dumalong deligado at atleta ay naglakad mula Session Road patungo Melvin Jones Ground, Baguio City, dala ang kani-kanilang mga bandera.
Tampok sa aktibidad ang gaganaping Regional School Press Conference at Regional Festival of Talents.
Ang mga nasabing aktibidad ay tatlong araw na gagapin na magtatapos hanggang Lunes, May 1, 2023.
Ang 2023 CARAA Meet at RAF ay historikal sapagkat ito ang kauna-unahang napagsabay na isinagawa sa iisang lugar sa pangunguna ng DepEd-CAR.
