Nasungkit ng Kalinga ang dalawang world breaking record para sa “Largest Gong Ensemble at Largest Banga Dance” na tinawag na “Call of a Thousand Gongs, Dance of a Thousand Pots” na ginanap sa Kalinga Sport Complex nito lamang Pebrero 15, 2023.
Ito ang inanunsyo mismo ng Guinness World Record Official Adjudicator na si Kazuyoshi Kirimura.
Tinatayang nasa 3,440 mga kalalakihan ang tumugtog ng gong at 4,861 naman na mga kababaihan ang nagsayaw ng “Banga” na nagresulta sa pagkakasungkit ng bagong world record.
Hindi lang sa dami ng mga nagtanghal ang naging basehan ng Guinness World Record Officials kundi maging ang kanilang malinis at pagkakasabay-sabay na pagsasayaw at pagtugtog ng gong.
