Masayang nakiisa ang mga bata sa handog pamasko ng 1st Cavalry (RAPIDO) Company ng Armor (PAMBATO) Division na may temang “Regalo ni Sarhento” sa Lingap Center, Ilagan City, Isabela nito lamang Disyembre 21, 2022.
Umabot naman sa 22 na bata ang naging benepisyaryo ang masayang nakatanggap ng mga regalo at laruan, nagkaroon din ng masayang palaro at kaunting salo-salo.
Ang nasabing Christmas Treats o handog pamasko ay nabuo sa pamamagitan ng tulong at donasyon ng mga kasundaluhan para sa mga bata.
Lubos naman na nagpasalamat si Ms. Loren Batoon, Center Head, DSWD Region 02 sa mga kasundaluhan sa mga sopresang handog ng mga ito. Aniya “malaking bagay para sa mga bata ang pagbibigay ng oras at atensyon. Maraming salamat sa inyong presensya ngayong araw. Sapagkat malayo sila sa kanilang pamilya”.
Labis naman ang kasiyahan ni alyas Joy na nagpasalamat sa mga sundalo sa pagbibigay sa kanila ng saya at maagang christmas gift.
Source: 5ID Startroopers, Philippine Army
