Benguet – Sugatan ang 11 pasahero na lulan ng sasakyan matapos mawalan ng preno sa Sitio Taal, Bangao, Brgy. Ambuklao, Bokod, Benguet nito lamang Pebrero 8, 2023.
Ayon sa ulat ng Bokod Municipal Police Station, napag-alaman na isang Toyota Lite Ace Van na papuntang Baguio City nang nawalan ng preno ang naturang sasakyan at bumangga sa kaliwang bahagi ng daan hanggang tumaob.
Napag-alaman na ligtas lahat ang 11 na pasahero na pawang residente ng Cauayan, Isabela at kasalukuyang nagpapagaling sa Dennis Molintas District Hospital sa Bokod, Benguet.
Pinapayuhan naman ng Benguet PNP ang mga motorista na maging maingat sa pagmamaneho at regular na suriin ang kondisyon ng kanilang mga sasakyan bago ito gamitin.
