Muling pinailawan para sa publiko ang 10,000 LED tulips sa Bucay, Abra nito lamang Hunyo 17, 2022.
Ito ay isa sa mga tourist attraction ng Layugan Garden and Resort sa lugar.
Ang kamangha-manghang tulips viewing ay bukas sa publiko mula 9:00 AM hanggang 9:00 PM at may entrance fee na Php25.
Ito ay may iba’t ibang kaakit-akit na kulay na pinapailawan tuwing 6:30 ng gabi na patok sa puso ng mga mamamasyal.
Ang sikat pasyalan na ito ay isinailalim sa dalawang buwang maintenance at pagpapaganda bago ito muling binuksan sa publiko maging sa mga turista.
Muling paalala ng Local na Pamahalaan ng Bucay sa mga turista na sundin pa din ang minimum health protocol gaya ng paggamit ng facemask, pagsanitize ng kamay at pagsunod sa social distancing kasabay nang pag-eenjoy sa pamamasyal.
