Isang sundalo ng Philippine Army (PA) ang napatay at isa naman ang sugatan sa naganap na engkuwentro sa pagitan ng tropa ng pamahalaan at mga komunista sa Brgy. Rio Chico, Gen Tinio, Nueva Ecija, bandang alas-10 ng umaga nito lamang Setyembre 1, 2022.
Kinilala ang namatay na si Private Jaylord I. Hipolito habang sugatan naman si Private First Class Francis D. Lictawa.
Ayon sa ulat, nagkaroon ng engkwentro habang nagsasagawa ng combat operations ang tropa ng militar laban sa mga komunista na patuloy ang panlilinlang at pang-aabuso sa komunidad.
Pinaniniwalaan na ang naka-engkwentro ng tropa ng pamahalaan ay mga NPA na hanggang ngayon ay patuloy pang tinutugis.
